Thirrje për mobilitet Erasmus+ në WSB University

Kolegji Universum – Ferizaj hap thirrjen për mobilitet studentor Erasmus+ në WSB University (Akademia WSB), Poloni, për semestrin e pranverës 2026/2027. Mobiliteti realizohet në kuadër të projektit Erasmus+ KA171.

Detajet e mobilitetit

• Institucioni pritës: WSB University, Dąbrowa Górnicza, Poloni

• Lloji i mobilitetit: Student Mobility for Studies (SMS), projekti Erasmus+ KA171

• Numri i vendeve: 1 student

• Periudha: Semestri i pranverës 2026/2027 (fundi i shkurtit ose fillimi i marsit – fundi i qershorit 2027)

• Kohëzgjatja: 1 semestër

• Gjuha e mësimit: anglisht

• Fushat e studimit: Menaxhment, Marrëdhënie Ndërkombëtare, Shkenca Kompjuterike

• Njohja e kredive: kreditë ECTS njihen sipas marrëveshjes Erasmus+ (Learning Agreement)

Mbështetja financiare

Studenti/ja i/e përzgjedhur përfiton mbështetje financiare Erasmus+ për shpenzimet e udhëtimit dhe të qëndrimit/akomodimit gjatë mobilitetit, sipas kushteve të projektit KA171.

Kush mund të aplikojë

Kandidati/ja duhet të:

• Jetë student/e i/e regjistruar në programin Bachelor ose Master në Kolegjin Universum – Ferizaj;

• Ketë përfunduar së paku një vit studimesh para fillimit të mobilitetit;

• Studiojë në një fushë që përputhet me ofertën e WSB: Menaxhment, Marrëdhënie Ndërkombëtare ose Shkenca Kompjuterike;

• Njohë gjuhën angleze së paku në nivelin B2, pasi të gjitha lëndët ligjërohen në anglisht;

• Jetë i/e motivuar për të studiuar në një mjedis ndërkombëtar.

Shënim: Certifikata zyrtare e gjuhës angleze nuk është e detyrueshme, por Kolegji Universum – Ferizaj do ta verifikojë nivelin e anglishtes së kandidatëve gjatë përzgjedhjes. Studenti/ja duhet të jetë në gjendje të marrë pjesë aktivisht në mësim, të komunikojë me profesorët dhe të kryejë detyrat në anglisht.

Përparësi kanë:

• Studentët që nuk kanë përfituar më parë nga mobilitetet Erasmus+;

• Studentët me notë mesatare më të lartë;

• Studentët me njohuri më të mira të gjuhës angleze dhe motivim të qartë.

Dokumentet për aplikim

• CV në gjuhën angleze;

• Letër motivimi (Motivation Letter) në anglisht;

• Transkripta e notave (Transcript of Records);

• Certifikata e gjuhës angleze, nëse e keni.

Si të aplikoni?

Aplikimi bëhet online duke klikuar KËTU dhe duke bashkëngjitur dokumentet e kërkuara.

📅 Afati i fundit për aplikim: 10 Nëntor

Pas përzgjedhjes, Zyra Ndërkombëtare e nominon studentin/en në WSB University. Studentët nga Kosova duhet të pajisen me vizë për Poloni, prandaj rekomandohet që procedurat të fillojnë sa më herët pas nominimit.

Për pyetje, kontaktoni Zyrën Ndërkombëtare të Kolegjit Universum – Ferizaj.

Ju urojmë suksese në aplikim!