Konkurs pune - Zyrtar/e për Projekte Ndërkombëtare

Kolegji Universum – KU, Ferizaj, Kosovë, shpall konkurs për plotësimin e pozitës administrative Zyrtar/e për Projekte Ndërkombëtare, në kuadër të Zyrës për Projekte Ndërkombëtare.

Kolegji Universum – KU është institucion i arsimit të lartë, i përkushtuar ndaj zhvillimit akademik, ndërkombëtarizimit, inovacionit dhe bashkëpunimit me institucione vendore dhe ndërkombëtare.

Përgjegjësitë kryesore

• Identifikimi i mundësive për financim dhe përgatitja, hartimi dhe dorëzimi i projekt-propozimeve për programe të Bashkimit Evropian, përfshirë Erasmus+, Horizon Europe dhe programe të tjera ndërkombëtare.

• Koordinimi dhe menaxhimi i projekteve ndërkombëtare, duke përfshirë planifikimin, zbatimin, monitorimin dhe raportimin e aktiviteteve.

• Krijimi, mirëmbajtja dhe zhvillimi i partneriteteve me universitete, institucione publike, organizata dhe kompani vendore e ndërkombëtare.

• Përgatitja e buxheteve të projekteve dhe mbështetja në monitorimin dhe raportimin financiar sipas kërkesave të donatorëve.

• Koordinimi i aktiviteteve me partnerët e konsorciumeve ndërkombëtare dhe sigurimi i realizimit të rezultateve dhe detyrimeve kontraktuale.

• Organizimi i takimeve, trajnimeve, punëtorive, konferencave dhe aktiviteteve të tjera në kuadër të projekteve.

• Përgatitja e raporteve periodike, dokumentacionit administrativ dhe materialeve për komunikim e diseminim.

• Mbështetja e stafit akademik dhe administrativ në zhvillimin e ideve dhe aplikimeve për projekte të reja.

• Sigurimi i cilësisë së aktiviteteve dhe përputhshmërisë me rregullat dhe procedurat e programeve financuese.

Kriteret dhe kualifikimet e kërkuara

• Diplomë universitare, së paku në nivelin Bachelor; diploma Master konsiderohet përparësi.

• Së paku 3 vite përvojë pune në hartimin, koordinimin ose menaxhimin e projekteve, preferohet në programe të financuara nga Bashkimi Evropian.

• Njohuri të mira të programeve Erasmus+, Horizon Europe dhe instrumenteve të tjera të financimit ndërkombëtar.

• Aftësi të dëshmuara në përgatitjen e projekt-propozimeve, planeve të punës, buxheteve dhe raporteve.

• Njohje shumë e mirë e gjuhës angleze, në të shkruar dhe në të folur.

• Aftësi të shkëlqyera komunikimi, organizimi, negocimi dhe bashkëpunimi në ekipe ndërkombëtare.

• Aftësi për të punuar në mënyrë të pavarur, për të menaxhuar disa detyra njëkohësisht dhe për të respektuar afatet kohore.

• Njohuri të mira të programeve Microsoft Office dhe mjeteve digjitale për menaxhimin e projekteve.

Kualifikimet që konsiderohen përparësi

• Përvojë në hartimin e projekt-propozimeve të suksesshme në kuadër të Erasmus+, Horizon Europe ose programeve të ngjashme.

• Përvojë në menaxhimin dhe koordinimin e projekteve me partnerë ndërkombëtarë.

• Njohuri mbi rregullat financiare dhe administrative të projekteve të BE-së, përfshirë PRAG dhe financimin sipas modelit Lump Sum.

• Përvojë në raportimin narrativ dhe financiar për donatorë ndërkombëtarë.

• Njohja e gjuhëve të tjera të huaja.

Dokumentet e kërkuara

• CV e përditësuar.

• Kopje të diplomave universitare.

• Dëshmi të përvojës profesionale në projekte, nëse janë të disponueshme.

Aplikimi

Vendi i punës: Kolegji Universum – KU, Ferizaj, Kosovë

Orari i punës: I plotë

Të gjithë kandidatët e interesuar duhet t'i dërgojnë dokumentet e kërkuara në adresën elektronike ferizaji@universum-ks.org, duke vendosur në subjekt: Aplikim – Senior Project Officer.

Afati i fundit për aplikim: 5 nëntor 2026.

Vetëm kandidatët e përzgjedhur në listën e ngushtë do të kontaktohen për intervistë.