Konkurs Pune – Praktikant/e në Marketing (Content Creator)

Kolegji Universum – KU, kampusi në Ferizaj, shpall konkurs për angazhimin e një studenti/e në Departamentin e Marketingut, përmes programit Superpuna, në kuadër të një angazhimi 6-mujor me pagesë.

Kjo mundësi u dedikohet studentëve të Kolegjit Universum që kanë interes për krijimin e përmbajtjeve digjitale, fotografimin, xhirimin dhe editimin e videove për rrjetet sociale.

Pozita është e fokusuar kryesisht në krijimin e vazhdueshëm të përmbajtjeve foto dhe video, duke dokumentuar aktivitetet e përditshme dhe jetën studentore në kampus.

Përgjegjësitë kryesore

• Krijimi i përditshëm i përmbajtjeve digjitale (foto dhe video) për rrjetet sociale të Kolegjit Universum.

• Fotografimi dhe xhirimi i aktiviteteve të përditshme, ligjëratave, ngjarjeve dhe jetës studentore në kampus.

• Realizimi dhe editimi i videove të shkurtra për Instagram Reels, TikTok, Facebook dhe platforma të tjera digjitale.

• Krijimi i përmbajtjeve kreative dhe tërheqëse për promovimin e programeve akademike, studentëve dhe aktiviteteve të Kolegjit.

• Ndjekja e trendeve në rrjetet sociale dhe propozimi i ideve të reja për përmbajtje vizuale.

• Bashkëpunimi me ekipin e marketingut për planifikimin, realizimin dhe publikimin e përmbajtjeve.

• Dokumentimi i vazhdueshëm i aktiviteteve dhe ngjarjeve në kampus përmes fotografive dhe videove.

• Pjesëmarrja aktive në aktivitetet promovuese dhe ngjarjet e organizuara nga Kolegji Universum.

Kriteret dhe kualifikimet e kërkuara

• Të jenë studentë të Kolegjit Universum.

• Të kenë kreativitet dhe interes të veçantë për krijimin e përmbajtjeve në rrjetet sociale.

• Të kenë aftësi bazë në fotografim, xhirim dhe editim të videove.

• Të kenë njohuri në përdorimin e aplikacioneve si CapCut, Canva ose programeve të ngjashme.

• Të jenë aktivë në rrjetet sociale dhe të njohin trendet aktuale të përmbajtjeve digjitale.

• Të kenë gatishmëri për angazhim të përditshëm në kampus, duke dokumentuar aktivitetet dhe jetën studentore.

• Të kenë aftësi të mira komunikimi, kreativitet dhe bashkëpunim në ekip.

• Të plotësojnë kriteret e aplikueshme për angazhim përmes platformës Superpuna.

Kualifikimet që konsiderohen përparësi

• Përvojë paraprake në krijimin e përmbajtjeve për Instagram, TikTok ose Facebook.

• Aftësi në editimin e videove të shkurtra dhe krijimin e përmbajtjeve kreative.

• Njohuri në fotografi, videografi dhe teknika të ndriçimit dhe kompozimit vizual.

• Portofol me fotografi, video ose përmbajtje të realizuara më parë.

Çfarë ofrojmë?

• Angazhim profesional 6-mujor me pagesë përmes programit Superpuna.

• Përvojë praktike në krijimin e përmbajtjeve digjitale dhe marketingun në rrjete sociale.

• Mundësi për të zhvilluar kreativitetin dhe portofolin profesional.

• Mentorim dhe bashkëpunim të drejtpërdrejtë me ekipin e marketingut.

• Përfshirje aktive në aktivitetet dhe ngjarjet e Kolegjit Universum.

Aplikimi

Vendi i punës: Kolegji Universum – KU, Ferizaj

Kohëzgjatja: 6 muaj

Lloji i angazhimit: Me pagesë, përmes programit Superpuna

Studentët e interesuar duhet të dërgojnë CV-në e tyre në email:

ferizaji@universum-ks.org

Kandidatët që kanë realizuar më parë fotografi, video ose përmbajtje për rrjete sociale inkurajohen të dërgojnë edhe shembuj të punimeve të tyre ose një link të portofolit.

Subjekti i emailit: Aplikim – Praktikë Marketing (Content Creator)

Vetëm kandidatët e përzgjedhur në listën e ngushtë do të kontaktohen për intervistë.